سيبار سيرتاسيبار سيرتاسيبار في تيليفونك · قسنطينة

المهن المؤهلة للقرعة الأمريكية DV Lottery: القائمة الكاملة بالعربية

Liste des métiers qualifiants (acceptés) DV Lottery · Job Zone 4 et 5 (O*NET) · qualifying occupations

لي ما عندوش الباك يقدر يشارك في القرعة الأمريكية (DV Lottery) بشرط: عامين خبرة خلال آخر 5 سنين في مهنة مؤهلة («المهن المطلوبة» كيما يقولو بزاف الناس). وزارة الخارجية الأمريكية ما عندهاش قائمة خاصة بيها: تعتمد على قاعدة بيانات وزارة العمل الأمريكية O*NET، وتقبل غير المهن المصنفة في Job Zone 4 ولا 5. هنا كامل هاد المهن (378 مهنة) بالعربية والفرنسية، مع البحث، باش تعرف في دقيقة واش مهنتك تتحسب.

المصدر: الشرط من صفحة وزارة الخارجية الأمريكية (travel.state.gov)، والقائمة من O*NET OnLine: Job Zone 4 (226 مهنة) وJob Zone 5 (152 مهنة)، تحديث O*NET في 6 أكتوبر 2026. آخر تحقق: 27 أكتوبر 2026. الترجمة من عندنا للتسهيل برك، والمرجع هو الاسم الرسمي بالإنجليزية.

سيبار سيرتا (Cyber Cirta) يشيكيلك مهنتك على القائمة الرسمية ويسجلك صح في القرعة، من جبل الوحش، قسنطينة: ابعتلنا في الواتساب 0654 27 20 34.

آخر تحديث: · وضعية التسجيل في DV-2027 والشروط الأخرى: دليل القرعة الأمريكية ←

Version française de cette liste →

الشروط بالضبط

  • شرط الخبرة غير لي ما عندوش الباك: إذا كمّلت الثانوي بنجاح (الباك)، ما تحتاجش الخبرة أصلاً.
  • الخبرة لازم تكون عامين (2) على الأقل خلال آخر 5 سنين.
  • في مهنة مصنفة في O*NET (قاعدة بيانات وزارة العمل الأمريكية) في Job Zone 4 ولا Job Zone 5، يعني SVP 7.0 ولا أكثر. Job Zone 3 وأقل ما تتحسبش.
  • الشرط غير على لي يسجل. الزوج(ة) والأولاد لي يذكرهم في التسجيل ما يحتاجوش لا الباك لا الخبرة.
  • إذا ربحت، القنصلية تشيكي الخبرة في المقابلة بوثائق رسمية تثبت المنصب والمهام والمدة. تشوف واش كنت تدير بصح، ماشي غير اسم المنصب.

⚠️ ما تكتبش خبرة ما عندكش، وما تديرش وثيقة ماشي حقيقية: هذا يقصي العائلة كاملة حتى لو ربحت، ويقدر يمنعك من الفيزا الأمريكية نهائياً. سيبار سيرتا يسجلك غير بالمعلومات الصحيحة.

مهن يسقسيو عليها بزاف وما تتحسبش

هاد المهن مصنفة في O*NET في Job Zone 1-2 ولا Job Zone 3، يعني الخبرة فيها ما تتحسبش للقرعة الأمريكية، حتى لو عندك فيها سنين. القائمة هذي ماشي كاملة: القاعدة هي بلي المهنة لازم تكون في القائمة لي فوق، ولا ما تتحسبش.

أسئلة تتعاود

شكون يحتاج قائمة المهن المؤهلة للقرعة الأمريكية؟

غير لي ما عندوش الباك ويحب يسجل في القرعة الأمريكية بالخبرة. لي عندو الباك (الثانوي مكمّل بنجاح) ما يحتاجش شرط الخبرة. والشرط غير على لي يسجل، ماشي على الزوج(ة) والأولاد.

واش أي خدمة تتحسب في القرعة الأمريكية؟

لا. لازم عامين خبرة خلال آخر 5 سنين في مهنة مصنفة في O*NET في Job Zone 4 ولا 5. بزاف المهن كيما السياقة، الطبخ، البيع، البناء والترصيص ما تتحسبش (Job Zone 1-2 ولا 3).

المهنة تاعي ما لقيتهاش في القائمة، واش يعني ما تتحسبش؟

في الغالب إيه، بصح ممكن تكون مكتوبة باسم آخر. جرّب كلمة أخرى، ولا اكتبها بالفرنسية ولا بالإنجليزية. إذا ما لقيتهاش، ابعتلنا اسم المهنة بالضبط وواش تدير في الخدمة، ونشيكيوهالك.

علاش الممرض يتحسب ومساعد التمريض لا؟

O*NET يفرّق بين المهن حسب التكوين والمهام، حتى في نفس الميدان: الممرض المؤهل (Registered Nurse) في Job Zone 4، ومساعد التمريض في Job Zone 3. نفس الشي بين المحاسب (Job Zone 4) وعون المحاسبة (Job Zone 3)، مطوّر البرمجيات (Job Zone 4) ومطوّر مواقع الويب (Job Zone 3)، والمختص في التحاليل الطبية Technologist (Job Zone 4) وتقني المخبر Technician (Job Zone 3). القنصلية هي لي تقرر حسب الشهادة والمهام لي كنت تديرها بصح.

عندي محل ولا تجارة، واش تتحسب؟

حسب واش تدير بالضبط. البيع في المحل ولا تسيير محل بيع بالتجزئة ما يتحسبش (Job Zone 1-2). كاين مهن في التجارة تتحسب، كيما مندوب المبيعات للجملة والمصانع ولا التاجر الإلكتروني (Job Zone 4)، بصح لازم وثائق تثبت النشاط والمهام. اسألنا قبل ما تسجل.

خدمت في الجيش ولا راني متقاعد، واش تتحسب؟

O*NET ما يصنفش المهن العسكرية، ولهذا الخبرة العسكرية صعيب تتحسب. إذا كانت خدمتك في الجيش مهنة كيما الطب، التمريض ولا الهندسة، القنصلية هي لي تقرر حسب المهام والوثائق. وزيد، الخبرة لازم تكون خلال آخر 5 سنين. الحل الغالب: إذا الزوج(ة) عندو الباك، يسجل هو ويذكرك في التسجيل تاعو.

نقدر نسجل بالخبرة ونجيب الوثائق من بعد؟

سجّل غير بالمعلومات الصحيحة. إذا ربحت، القنصلية تطلب وثائق حقيقية تثبت عامين خبرة في مهنة مؤهلة. معلومة ولا وثيقة ماشي صحيحة تقصي العائلة كاملة، وتقدر تمنعك من الفيزا الأمريكية نهائياً. قبل ما تسجل بالخبرة، خلينا نشيكيو مهنتك.

منين جات هاد القائمة؟

وزارة الخارجية الأمريكية تقول بلي المهن المؤهلة هي المصنفة في O*NET OnLine تاع وزارة العمل الأمريكية في Job Zone 4 ولا 5. نزلنا القائمتين كاملين (226 مهنة في Job Zone 4 و152 في Job Zone 5) وترجمناهم، آخر تحقق في 27 أكتوبر 2026. الترجمة للتسهيل برك: المرجع هو الاسم الرسمي بالإنجليزية وصفحة المهنة في O*NET.

واش سيبار سيرتا تابعين للحكومة الأمريكية؟

لا. خدمة خاصة مستقلة. نشيكيو معاك المهنة على القائمة الرسمية ونسجلوك صحيح، باسمك وبموافقتك، على الموقع الرسمي dvprogram.state.gov. ما نقدروش نزيدولك فرصة الربح، وحتى واحد ما يقدر.

شكون يقدر يشيكيلي مهنتي ويسجلني في القرعة الأمريكية في قسنطينة؟

سيبار سيرتا (Cyber Cirta)، خدمة خاصة في جبل الوحش، قسنطينة: نشيكيو مهنتك على القائمة الرسمية ونسجلوك صحيح في الموقع الرسمي، في أي وقت، النهار ولا الليل. تخلص كي توصلك (BaridiMob، Flexy ولا كاش). واتساب: 0654 27 20 34 · الموقع: https://cybercirta.com/

En bref (français)

Liste des métiers qualifiants pour la DV Lottery (loterie américaine) : sans bac, il faut deux ans d'expérience au cours des cinq dernières années dans un métier classé Job Zone 4 ou 5 (SVP 7,0 ou plus) dans la base O*NET du Département du Travail américain, la référence citée par le Département d'État. Cette page donne les 378 métiers (226 en Job Zone 4, 152 en Job Zone 5) en arabe et en français, avec recherche, ainsi que des métiers souvent demandés qui ne comptent pas. Vérifié le 27 octobre 2026. Cyber Cirta (Djebel El Ouahch, Constantine) vérifie votre métier et vous inscrit correctement : WhatsApp 0654 27 20 34.

خدمة خاصة مستقلة، غير تابعة لأي إدارة عمومية. هاد القائمة للمعلومة فقط: المرجع هو O*NET، والقنصلية الأمريكية هي لي تقرر في المقابلة.

ما راكش متأكد من مهنتك؟

ابعتلنا اسم المهنة بالضبط وواش تدير في الخدمة، ونشيكيوهالك على القائمة الرسمية قبل ما تخلص حتى دورو. وإذا تتحسب، نسجلوك صح في القرعة.

خدمة التسجيل في القرعة الأمريكية (DV Lottery) ←

راسلنا في الواتساب